Karlo Anćeloti

Italijanski stručnjak, Karlo Anćeloti zvanično je imenovan za novog menadžera Evertona. On u Englesku stiže iz Napolija, gdje je dobio otkaz.

Italijan će danas biti na tribinama "Gudison parka", gdje će gledati okršaj njegovog novog tima i Arsenala u 18. kolu Premijer lige.

-Na klupi Evertona i danas će biti Dankan Ferguson, koji je bio privremeno rješenje, nakon što je uprava uručila otkaz Marku Silvi poslije poraza od Liverpula (5:2). Dolaskom italijanskog stručnjaka, Ferguson će ostati u stručnom štabu, a osim njega Anćelotiju će pomagati i sin Davide.

Inače, ovo je povratak Karla Anćelotija u engleski fudbal. On je od 2009. do 2011. bio menadžer Čelsija sa kojim je 2009. osvojio Komjuniti šild, a godinu kasnije Premijer ligu i FA Kup.

Everton je na 16. mjestu na tabeli sa 18 bodova.